នៅឆ្នាំ ២០០៥ លោកម៉ាត្រូវបានជ្រើសរើសដោយវេទិកាសេដ្ឋកិច្ចពិភពលោកថាជា អ្នកដឹកនាំវ័យក្មេងសកល ដោយមានភាពជាដឹកនាំល្អនៅនោះ។ ក្នុងឆ្នាំ ២០០៤ គាត់ត្រូវបានជ្រើសរើសដោយទូរស្សន៍ជាតិចិន ដោយចាត់ថ្នាក់លោកជាអ្នកដឹកនាំអាជីវកម្មដ៍កំពូលទី 10 នៅក្នុងប្រទេសចិន។
នៅឆ្នាំ ២០០៥ លោកត្រូវបានគេដាក់ឈ្មោះឲ្យថា ម៉ា ដែលជាពាណិជ្ជករដ៍មានឥទ្ធិពលបំផុតនៅអាស៊ី។ ហើយនៅឆ្នាំ ២០០៧ លោកបានជ្រើសរើសដោយ គេហទំព័រ Businessweek ដោយចាត់ទុកលោកជាអ្នកដឹកនាំល្អក្នុងចំណោម ៣០នាក់ជាប្រធានក្រុមហ៊ុនល្អបំផុតរបស់ពិភពលោក។
នៅឆ្នាំ ២០០៩ លោកម៉ាត្រូវបានទស្សនាវដ្តី Time កត់ត្រានៅក្នុងបញ្ជីបុគ្គលដែលមានឥទ្ធិពលមួយរូបនៅលើពិភពលោក។ លោកម៉ា គឺជាសហគ្រិនមួយរូបដែលធ្វើអាជីវកម្មតាមប្រព័ន្ធអ៊ីនធឺណែត និងទទួលបានជោគជ័យយ៉ាងខ្លាំង ហើយលោកជាបុគ្គលដែលមានភាពជាអ្នកដឹកនាំ មានឥរិយាបទល្អ អាកប្បកិរិយាល្អ មានសម្តីសមរម្យ ហើយថែមទាំងនិយាយភាសាអង់គ្លេសទៀតផង។
ដោយភាពប៉ិនប្រសព នៅក្នុងការដឹកនាំអាជីវកម្មលោកបានទទួលបាននូវភាពជោគជ័យយ៉ាងខ្លាំងនៅលើក្រុមហ៊ុនរបស់លោក គឺក្រុមហ៊ុន Alibaba Group ដែលជាក្រុមហ៊ុនមួយពាក់ព័ន្ធប្រព័ន្ធអ៊ីនធឺណែត និងបានបង្កើតនៅគេហទំព័រលក់និងទិញទំនិញ ឬសេវាកម្មផ្សេងៗ មួយចំនួនទៀតសម្រាប់ប្រតិបត្តិការអាជីវកម្ម ដោយគេហទំព័រនោះរួមមាន libaba.com ,Taobao Marketplace , Tmall, eTao, Alibaba Cloud Computing, Juhuasuan, 1688.com, AliExpress.com និង Alipay។
នៅឆ្នាំ 2009 លោកក៍ត្រូវបានគេហទំព័រ Businessweek ជ្រើសជ្រើសជា មនុស្សដែលមានឥទ្ធិពលបំផុត និងជាសហគ្រិនដែលមានមនុស្សជាច្រើនបានស្គាល់ និងគោរពច្រើនបំផុតនៅប្រទេសចិន ហើយនៅឆ្នាំ ២០០៩ នោះផងដែរ លោកម៉ាបានទទួលពានរង្វាន់អ្នកដឹកនាំពាណិជ្ជកម្មល្អ ដែលរៀបចំដោយទូរស្សន៍ ស៊ីស៊ីធីវី។
នៅឆ្នាំ 2010 លោកម៉ាត្រូវបានជ្រើសរើសដោយទស្សនាវដ្តី Forbes ដោយចាត់ទុកលោកជា មហាសប្បុរសជនប្រចាំអាស៊ី ដោយលោកបានបរិច្ចាគនៅធនធានមួយចំនួនធំក្នុងការផ្តល់ជំនួយសង្គ្រោះគ្រោះមហន្តរាយ និងភាពក្រីក្រនៅជុំវិញពិភពលោក។
លោកម៉ាបានទទួលសញ្ញប័ត្របណ្ឌិតកិត្តិយមួយដែលចេញដោយសាកលវិទ្យាល័យវិទ្យាសាស្ត្រ និងបច្ចេកវិទ្យាហុងកុង នៅក្នុងខែវិច្ឆិកាឆ្នាំ ២០១៣។
ហើយលោកជាសមាជិកក្រុមប្រឹក្សាភិបាលនៃធនាគារ SoftBank របស់ប្រទេសជប៉ុន និងជាសមាជិកក្រុមប្រឹក្សាភិបាល Huayi Brothers ដែលក្រុមហ៊ុនសាជីវកម្មព័ត៌មាន និងផ្សព្វផ្សាយដ៍ធំបំផុតរបស់ចិន។
*សង្ខេប
លោក Jack Ma ជាសហគ្រិនដ៍ល្បីឈ្មោះមួយរូប ជាស្ថាបនិក និងជានាយកប្រតិបត្តិរបស់ក្រុមហ៊ុន Alibaba Group។ លោកបានកើតនៅថ្ងៃទី ១៥ ខែតុលា ឆ្នាំ ១៩៦៤ នៅស្រុក Hangzhou ទីក្រុង Zhejiang ប្រទេសចិនហើយ បច្ចុប្បន្នលោកមានអាយុ 49 ឆ្នាំ ។
លោកបានលោក បានបញ្ចប់ការសិក្សា ថ្នាក់បរិញ្ញបត្រផ្នែកភាសាអង់គ្លេសក្នុងឆ្នាំ 1988 និងបានក្លាយទៅជាសាស្ត្រាចារ្យផ្នែកភាសាអង់គ្លេស និងពាណិជ្ជកម្មអន្តរជាតិនៅឯ សកលវិទ្យាល័យ Hangzhou Dianzi។
លោកមានទ្រព្យសម្បត្តិសរុប ១២,១ ពាន់លានដុល្លារអាមេរិកគិតត្រឹមឆ្នាំ ២០១៣ ហើយលោកមានកូនប្រុសមួយ និងកូនស្រីមួយ។
ប្រភព bobocambodia
