ជោគជ័យនៅក្នុងមុខជំនួញត្រូវការគំនិតល្អ ការងារអំណត់ច្រើន និងគួបផ្សំនឹងសំណាងតិចតួចផងដែរ។ សហគ្រិនម្នាក់ដែលតែងតែអភិវឌ្ឍន៍ផលិតផលរបស់ខ្លួនឯងតែងគិតថា វានឹងក្លាយជាតម្រូវការនៅក្នុងទីផ្សារ ប៉ុន្តែគំនិតល្អតែម្យ៉ាងក៏មិនអាចក្លាយជាមនុស្សជោគជ័យនៅក្នុងមុខជំនួញបានដែរ គឺវាត្រូវការភាពអំណត់ច្រើន និងមានការតស៊ូដើម្បីជម្ទះឧបសគ្គទាំងអស់។ខាង ក្រោមនេះគឺជាគន្លឹះមួយចំនួនដើម្បីធ្វើឲ្យអ្នកក្លាយជាអ្នកជំនួញម្នាក់ក្នុងសង្គមៈ១. អភិវឌ្ឍន៍គំនិតរបស់អតិថិជនៈ គួរតែទទួលយកទស្សនអ្នកដទៃជុំវិញកង្វះខាតនៃផលិតផលរបស់ខ្លួនឯង ជាពិសេសអ្នកដែងចង់ទិញរបស់យើង។ នៅពេលដែលលោកអ្នកអភិវឌ្ឍន៍និងកែលំអផលិតផលរបស់ខ្លួនឯងបានហើយត្រូវបង្ហាញវាឲ្យគេឃើញដើម្បីទទួលបានគំនិតរិះគន់មកវិញ។
២. ស្វែងរកការវិនិយោគទុនពីសហគ្រិននិងសហប្រតិបត្តិការផ្សេងៗទៀតៈ ប្រសិនបើលោកអ្នកមានប្រាក់កាសច្រើនអាចឯករាជ្យលើខ្លួនឯងបាននោះ លោកអ្នកនឹងមិនត្រូវការលុយពីអ្នកដទៃ ដើម្បីធ្វើឲ្យគំនិតរបស់លោកអ្នកក្លាយជាការពិត។ ប្រសិនបើគំនិតនោះ គឺជាគំនិតទីផ្សារមានមូលដ្ឋានច្បាស់លាស់ហើយអចដឹងមុនបាននោះ ក្រុមអ្នកវិនិយោគទុននឹងចង់បោះទុនជាមួយលោកអ្នកជាក់ជាពុំខានឡើយដោយសារពួកគេយល់ឃើញថា គេនឹងទទួលបានប្រាក់ចំណេញមកវិញ។
៣. រក្សាបណ្តាញទំនាក់ទំនងយ៉ាងសកម្មនៅក្នុងសហគមន៍ពាណិជ្ជកម្មក្នុងតំបន់របស់លោកអ្នកៈ ការដឹងច្បាស់ពីអ្វីដេលកំពុងកើតឡើង គឺជាការចាំបាច់មួយសម្រាប់ការជោគជ័យនៅក្នុងពិភពមុខជំនួញ។ នៅពេលណាដេលអ្នកជំនួញ និងសហគ្រិនផ្សេងទៀតស្គាល់អ្នក ហើយជឿទុកចិត្តលោកអ្នកហើយនោះលោកអក្នុនឹងចាប់បានឯកាសរកស៊ីជាក់ជាពុំខានឡើយ។
៤. រៀនដើរលើផ្លូវដែរមានតែមួយចំហៀងផ្លូវ ពេលដែលលោកអ្នកក្លាយជាកូនបំណុលគេៈ លោកអ្នកត្រូវចង់ចាំថា ទូកធំក្តោងធំ ប្រសិនបើលោកអ្នកខ្ចីលុយគេច្រើន លោកអ្នកនឹងមានបញ្ហាផ្នែកហិរញ្ញាវត្ថុក៏ច្រើនដែរតែបើលោកអ្នកខ្ចីលុយគេតិចពេក ក៏មិនអាចយកមកធ្វើអ្វីកើតដែរ។ លោកអ្នកត្រូវតែដឹងឲ្យច្បាស់ពីបន្ទុកប្រាក់បំណុលតាមដែលលោកអ្នកអាចដោះស្រាយបានទាំងបញ្ហាផ្ទាល់ខ្លួន និងបញ្ហាអាជីវកម្មហើយប្រើប្រាស់លុយទាំងនោះសម្រាប់ប្រយោជន៍ផ្ទាល់ខ្លួនឲ្យបានល្អបំផុត។
៥. បន្តការសិក្សាលើបញ្ហាមុខជំនួញ និងហិរញ្ញាវត្ថុៈ ប្រសិនបើលោកអ្នកមានមូលដ្ឋានអប់រំលើមុខជំនួញវានឹងផ្តល់ផលខំខាន់ៗច្រើនដល់លោកអ្នក ប៉ុន្តែវាមិនមែនមានន័យថា គ្រានតែរៀនដើម្បីតែរៀននោះទេ។ មុខវិជ្ជានៅក្នុងសិក្ខាសាលាឬថា្នក់នៅឯសាកលវិទ្យាល័យ នឹងពង្រឹងដល់ចំណេះដឹងលើផ្នែកជំនួញរបស់លោកអ្នក ហើយវានឹងជួយបង្កើនឱកាសជោគជ័យនៅក្នុងអាជីពជាអ្នកជំនួញរបស់លោកអ្នកផងដែរ៕
