ជ្រើសរើសមុខជំនួញខុស៖
គម្រោងច្រើនពេក៖
គម្រោងជាប្រការមួយដ៏ប្រសើរ។ វាអាចជួយអ្នកក្នុងការធ្វើការសម្រេចចិត្តមួយសម្រាប់ទទួលបានភាពជោគជ័យនៅក្នុងអាជីវកម្ម របស់អ្នក។ ការធ្វើផែនការនិងផែនការច្រើនពេកក្លាយទៅជារវើរវាយ។ ប្រសិនបើដូចនេះ អាជីវម្មរបស់អ្នក នឹងមានតែនៅក្នុងចិត្តរបស់អ្នក និងមិនធ្វើឱ្យអ្នកចំណេញនោះឡើយ។ ចូរធ្វើផែនការ និងការធ្វើការសម្រេចចិត្តមួយ បន្ទាប់មកខិតខំធ្វើគម្រោងឱ្យក្លាយជាការពិត។
គេចចេញពីការផ្សព្វផ្សាយ៖
ការធ្វើការផ្សព្វផ្សាយពីម៉ាក ឬស្លាកយីហោរបស់អ្នក នឹងពង្រីកអាជីវកម្មរបស់អ្នកលឿនជាងការរង់ចាំ អតិថិជនមករកអ្នក។ ការចាប់ផ្តើមអាជីវកម្មរបស់អ្នកតាមរយៈពាក្យពីមាត់ទៅមាត់មួយ អាចគុណសម្បត្តិមួយ ប៉ុន្តែកុំរង់ចាំការសាយបែបនេះ អំពីអ្វីដែលអ្នកធ្វើ ។ តែនេះមិនមែនមានន័យថាត្រូវការចំណាយលើការផ្សាយពាណិជ្ជកម្មដែលមានតម្លៃថ្លៃនោះទេ។
គិតតែពីចិត្តខ្លួនឯង មិនគិតពីអតិថិជន៖
អ្នកមានគំនិតសម្រាប់ផលិតផល ឬសេវាកម្មសម្រាប់ផ្តល់ឱ្យអតិថិជន ប៉ុន្តែមានបញ្ហាតែមួយគត់ គឺលក់មិនដាច់ ហេតុអ្វី? ចូរពិភាក្សាពីគោលដៅទីផ្សាររបស់អ្នក និងរកឱ្យឃើញនូវអ្វីដែលជាតម្រូវការរបស់អតិថិជន។ ចូរអ្នកអធិប្បាយអំពីគោលដៅទីផ្សារ របស់អ្នក។ ប្រសិនបើការពិពណ៌នាទាំងពីរមិនត្រូវគ្នា ស្វែងរកមូលហេតុ។
រង់ចាំពេលបង្កើតលុយ៖
ចូរកុំរំពឹងចំណូលដំបូងពីអតិថិជន ឬពីការលក់នូវផលិតផលដំបូងរបស់អ្នក។ ចូរធ្វើការ ដើម្បីបង្កើតប្រាក់ចំណូលបានភ្លាម។ ចូរបំរើអ្នកបញ្ជាទិញឱ្យបានល្អ រៀបចំកាលវិភាគណាត់ជួបជាមួយអតិថិជន ឬ អ្វីក៏ដោយដែលវាត្រូវការដើម្បីចាប់ផ្តើមបង្កើតប្រាក់ចំណូល។ ការណ៍នេះ នឹងរក្សាអ្នកឱ្យសប្បាយចិត្ត និងមានហេតុផលដើម្បីរក្សាសន្ទុះទៅមុខ។ ធ្វើការតែម្នាក់ឯង ទោះបីជាអ្នកជាម្ចាស់តែមួយគត់ និងបម្រុងដើរផ្លូវនេះ ចូរកុំធ្វើការតែម្នាក់ឯង។ ចូរទទួលយកការរិះគន់ និងការផ្តល់ដំបូន្មានពីមនុស្សដទៃទៀត ដែលអាចជួយឱ្យអ្នករីកចម្រើនក្លាយជាម្ចាស់ការ និងជាអ្នកជំនួញម្នាក់។ ចូលរួមជាមួយក្រុមពាណិជ្ជកម្ម ក្រុម អាជីវកម្មធំៗ ឬអង្គការបណ្តាញអាជីវកម្ម ជាកន្លែងដែលអ្នកអាចចែករំលែកគំនិតយោបល់ និងរឿងរ៉ាវនៃសង្គ្រាមមុខជំនួញ។
ជ្រើសរើសដៃគូខុស៖
ប្រសិនបើអ្នកសម្រេចចិត្តចូលធ្វើជំនួញជាមួយដៃគូណាម្នាក់ ភាគច្រើន ច្បាស់ណាស់ថាអ្នកនឹងចូលចិត្តជ្រើសរើសនរណាម្នាក់ដែលមានជំនាញច្បាស់លាស់ និងសមត្ថភាព។ សម្រេចចិត្តជាមុនប្រសិនបើអ្នកនឹងអាចធ្វើការយ៉ាងជិតស្និទ្ធជាមួយមនុស្សនេះមានរយៈពេលយ៉ាងយូរ។ការជ្រើសរើសដៃគូត្រូវអាចពន្លឿនការទទួលបានជោគជ័យរបស់អ្នក។
ជួលនិយោជិតមុនពេលប្រាក់ចំណូលនិរន្តរភាព៖
អាជីវកម្មថ្មី ការជួលបុគ្គលិកផ្តោតលើក្តីសង្ឃឹមរបស់អាជីវកម្មនាពេលអនាគត។ នេះអាចបង្កើតសំពាធហិរញ្ញវត្ថុលើអាជីវកម្ម និងតម្រូវឱ្យបុគ្គលិកដែលត្រូវបានអនុញ្ញាតឱ្យចូលទៅមុនពេលដែលអាជីវកម្មនេះទទួលបានសន្ទុះ។ ចូររង់ចាំលំហូរនៃប្រាក់ចំណូលមានលំនឹងទើបធ្វើជំហាននេះ។ ចំណាយច្រើនជាងអ្វីដែលអ្នកមាន ការចាប់ផ្តើមអាជីវកម្ម អាចតម្រូវឱ្យមានដើមទុនដំបូង តាមរយៈការសន្សំផ្ទាល់ខ្លួនរបស់អ្នក ឬអ្នកវិនិយោគនៅខាងក្រៅ។ ប្រសិនបើអ្នកចំណាយពេលខាងមុខនៃការបង្កើតប្រាក់ចំណូលនេះអាចបណ្តាលឱ្យអាជីវកម្មស្រុតចុះ។ អ្វីក៏ដោយឱ្យតែអ្នកសម្រេចចិត្តវិនិយោគ គឺមានគម្រោងចំណាយដ៏ធំមួយ ដែលប្រាក់ចំណូលទទួលបានទាបជាងការរំពឹងទុក។ ប្រសិនបើអ្នកបង្កើនដើមទុនតាមរយៈការវិនិយោគមានផែនការមួយសម្រាប់ធ្វើជាកូនបំណុលទាំងមូល នោះ អាជីវកម្មរបស់អ្នកនឹងបរាជ័យ។
អារម្មណ៍រំជើបរំជួល៖
អ្នកធ្វើវិនិយោគទុននូវលុយ ពេលវេលា និងថាមពល នៅក្នុងមុខជំនួញថ្មីរបស់អ្នក ប៉ុន្តែចូររក្សាទុកអារម្មណ៍របស់អ្នកសម្រាប់រឿងផ្សេងទៀត។ នៅពេលដែលអាម្មណ៍រំជើបរំជួលនៅពេលចាប់ផ្តើមធ្វើជំនួញ អ្នកនឹងមានប្រតិកម្ម និងធ្វើការសម្រេចចិត្តខុស។ ចូរនៅស្ងប់ស្ងាត់ និងធ្វើការសម្រេចចិត្តដោយសមហេតុផលដែលសមនឹងកាលៈទេសៈដែលអ្នកជួបប្រទះ៕ ប្រភព Pop7days
