វិធីសាស្រ្តដ៏ល្អដើម្បីដោះស្រាយជាមួយនឹងមនុស្សដែលគួរឱ្យស្អប់ គឺលោកអ្នកត្រូវរក្សាភាពស្ងប់ស្ងាត់ជានិច្ច។ លោកអ្នកមិនត្រូវបង្ហាញចំណាប់អារម្មណ៍ណាមួយទៅលើពួកគេឡើយ ដូច្នេះពួកគេក៏មិនព្យាយាមមកទាក់ទងយើងដែរ។
2. ផ្លាស់ប្ដូរការយល់ឃើញ៖
នៅពេលដែលមាននរណាម្នាក់បង្កើតបញ្ហាដល់លោកអ្នក លោកអ្នកត្រូវព្យាយាមស្វែងរកឫសគល់ថាហេតុអ្វីបានជាមនុស្សទាំងនោះចូលចិត្តបង្កតែបញ្ហាឱ្យអ្នកដទៃដោយចាប់ផ្ដើមផ្លាស់ប្ដូរគំនិតទុទិដ្ឋិនិយមទៅលើពួកគេ ហើយវិនិច្ឆ័យបញ្ហានោះទៅកាន់ចំណុចផ្សេងទៀតដែលអាចឱ្យលោកអ្នកស្វែងយល់ពីបញ្ហាបានជ្រៅជ្រះជាងមុន។
3. កុំបន្ទាបខ្លួនឯង
វិធីសាស្ត្រដ៏ល្អមួយទៀតដែលលោកអ្នកអាចជៀសឆ្ងាយពីមនុស្សដែលគួរឱ្យស្អប់ ពិសេសគឺជម្លោះបាន គឺមិនត្រូវយកខ្លួនឯងទៅប្រឡាក់ប្រឡូកនឹងកម្រិតពួកគេឡើយ។ មនុស្សម្នាក់ៗតែងតែមានកំហឹង ហើយកំហឹងទាំងនោះនឹងនាំពួកគេនូវល្បិចកល និងកំហុសជាច្រើន ដូច្នេះ បើសិនជាពួកគេព្យាយាមបង្កជម្លោះនោះ យើងមិនត្រូវធ្វើឱ្យខ្លួនពាក់ព័ន្ធនឹងមនុស្សទាំងនោះឡើយដើម្បីកុំឱ្យបញ្ហាវាកាន់តែធ្ងន់ធ្ងរជាងនេះ។
4. ត្រូវយល់ថាបញ្ហារបស់គេ មិនមែនបញ្ហារបស់យើង៖
ក្នុងពេលដែលមនុស្សទាំងនោះបង្កើតបញ្ហាជាច្រើន លោកអ្នកមិនគួរចូលពាក់ព័ន្ធនឹងបញ្ហារបស់ពួកគេឡើយ។ មូលហេតុដែលយើងមិនគួរទៅរួមចំណែកក្នុងបញ្ហារបស់គេ គឺបញ្ហាទាំងនោះអាចក្លាយជាទុក្ខដ៏ធ្ងន់ ដូចចាស់ពោលថា “សាច់មិនបានស៊ី យកឆ្អឹងព្យួរក” ជាដើមនោះ។ ដូច្នេះ អ្នកណាបង្កើតបញ្ហា អ្នកនោះត្រូវតែជាអ្នកដោះស្រាយដោយខ្លួនឯង។
5. កុំឱ្យគំនិតរបស់ពួកគេប៉ះពាល់ដល់យើងឱ្យសោះ៖
ពាក្យសម្ដីអាចធ្វើឱ្យមនុស្សឈឺចាប់បានបើសិនជាវាមានឥទ្ធិពល។ ដើម្បីឱ្យខ្លួនឯងរឹងមាំ លោកអ្នកត្រូវមានជំនឿលើខ្លួនឯងមិនថាអ្នកណាគិតអ្វីលើខ្លួន និយាយអ្វីប៉ះពាល់ដល់ខ្លួនឡើយ ដែលប្រការទាំងនេះអាចធ្វើឱ្យមនុស្សទាំងនោះលែងហ៊ាននិយាយផ្ដេសផ្ដាសទៀត។
6. ត្រូវឃ្លាតឱ្យឆ្ងាយពីមនុស្សទាំងនោះ៖
ជីវិតនឹងប្រសើរជាងមុនបើសិនជាលោកអ្នកអាចជៀសឱ្យឆ្ងាយពីមនុស្សដែលមានចរិតគួរឱ្យធុញ និងគួរឱ្យស្អប់ទាំងនោះបាន។ សូមកុំខ្លាចនឹងបាត់បង់មិត្តឱ្យសោះ បើសិនជាលោកអ្នកខ្លាច នោះពួកគេនឹងនៅតែជាបញ្ហាជាប់រហូត៕
ប្រភព Khmerstation
