1- ភាពជឿជាក់៖ ភាពជឿជាក់គឺជារឿងសំខាន់សម្រាប់មនុស្សគ្រប់គ្នាក្នុងការប្រាស្រ័យទាក់ទងគ្នា បើសិនជាអ្នកធ្វើខុសហើយ តែមិនដែលចេះទទួលស្គាល់ថាខ្លួនឯងធ្វើខុស នោះគ្មានអ្នកណាជឿជាក់លើអ្នកឡើយ។ ផ្ទុយទៅវិញ បើសិនជាអ្នកធ្វើខុស ហើយចេះទទួលស្គាល់កំហុស នោះគ្រប់គ្នានៅជុំវិញអ្នកគិតថាអ្នកជាមនុស្សស្មោះត្រង់ អាចជឿទុកចិត្តបាន និងជាមិត្តដ៏ល្អម្នាក់ទៀតផង។
2- ធំដឹងក្ដី៖ អ្នកនឹងក្លាយជាមនុស្សកាន់តែធំដឹងក្ដី ស្គាល់ខុស ស្គាល់ត្រូវ ស្គាល់អ្វីល្អ និងអ្វីដែលអាក្រក់ នៅពេលដែលអ្នកចេះទទួលស្គាល់កំហុសរបស់ខ្លួន។ កំហុសអាចក្លាយជាមេរៀនដ៏ល្អសម្រាប់ជីវិត។
3- ការអភិវឌ្ឍ៖ បើសិនជាអ្នកមិនទាន់អាចទទួលស្គាល់កំហុសដែលបានធ្វើខុសទេ នោះអ្នកគឺជាមនុស្សដែលខ្លាចបរាជ័យបំផុត។ ដូច្នេះ ដើម្បីអភិវឌ្ឍខ្លួនឱ្យទាន់សម័យ និងជោគជ័យ នោះលោកអ្នកត្រូវចេះទទួលស្គាល់កំហុសដែលបានប្រព្រឹត្ត។
4- ការលើកទឹកចិត្ត៖ បើសិនជាអ្នកមិនអាចទទួលស្គាល់ថាខ្លួនបានធ្វើខុសក្នុងរឿងអ្វីមួយទេ នោះអ្នកនឹងមិនមានឱកាសសម្រាប់និយាយប្រកាន់ជំហរថាខ្លួនត្រូវឡើយ។ ធម្មតា នៅពេលមានមនុស្សណាម្នាក់ធ្វើអ្វីខុសមួយ ហើយគេម្នាក់នោះចេះទទួលស្គាល់កំហុស នោះនឹងមានអ្នកដទៃមកចាំជួយផ្ដល់កម្លាំងចិត្ត និងលើកទឹកចិត្តដើម្បីជួយកែកំហុសទាំងអស់គ្នា។
5- ភាពរឹងមាំ៖ បើសិនជាអ្នកក្លាយជាមនុស្សម្នាក់ដែលដឹងខុស ចេះទទួលកំហុស នោះអ្នកនឹងក្លាយជាមនុស្សម្នាក់ដែលរឹងមាំ និងឯករាជ្យសម្រាប់អ្នកដទៃ។ ហើយអ្នកក៏អាចក្លាយជាគំរូដ៏ល្អម្នាក់សម្រាប់ក្មេងៗជំនាន់ក្រោយយកគំរូតាម៕
 |
| ប្រភព Khmerstation |
